Det er kjekt med nye studentkull på Mat, kultur og konservering og i år vart det ein liten skikkelig fin gjeng som var samla på kjøkkenet. Takk til alle for ei trivelig samling med safting, sylting og hermetisering på det splitter nye undervisningskjøkkenet ved Høgskulen i Volda.
 |
| Studentar ved Mat, kultur og konservering, hausten 2021. Foto: Kari Ryslett. |
No har alle fått bloggadresse og de vert etterkvart godt kjende med verktyet. På din blogg kan du skifte layout, heading, fargar og finpusse på din profil. Det viktigaste du skal gjere fagleg er å lage ein tekst med kjeldetilvisningar og å sette inn bilder eller film. Den kan vere lurt å skrive teksten i Word og samle saman bilda eller lenkene. Når alt er klart set saman i bloggverktyet og publiserer blogginnlegget ditt.
Husk at bloggen er din, du bestemmer utforming, bilder, tekst og har kontroll på ditt kommentarfelt –dersom du ikkje likar ein kommentar så slett den.
Lykke til med produkta som du skal konservere og dokumentere fagleg på bloggen din!
Beste helsing emneansvarleg Kari Ryslett
Ingen kommentarer:
Legg inn en kommentar